Instalar lector DNI electrónico en Ubuntu

Hai un tempo red.es en colaboración con tractis regalou lectores de DNI electrónico a todo aquel que o solicitou desde a súa web. Agora mesmo xa rematou o periodo de solicitude pero na súa web habilitaron un espacio para apuntarse a futuros repartos de lectores de DNI electrónicos.
Unha vez que xa tenemos o lector, existe abundante documentación na rede para poder instalar o lector en GNU/Linux e máis concretamente en Ubuntu. Para instalalo podemos comezar visitando a páxina web oficial do Ministerio (dnielectronico.es) desde onde podemos descargar os paquetes necesarios que precisamos instalar e a documentación explicando como facelo. Tamén atopamos un par de manuáis nos propios foros de ubuntu ou en ubuntualizando el planeta. Eu vou facer a miña propia guía de instalación que coincide case ao 100% coas anteriores:

Os pasos a seguir para instalalo en calquera sistema Ubuntu son os seguintes:

1. Comenzaremos por instalar algúns paquetes necesarios desde os repositorios. Abrimos synaptic, buscamos os seguintes paquetes, marcámolos todos e aplicamos para que se instalen:
   libccid libpcsclite1 pcscd libopensc2 pinentry-gtk2 opensc mozilla-opensc pcsc-tools
   ou tamén o podemos facer por liña de comandos:
   sudo apt-get install libccid libpcsclite1 pcscd libopensc2 pinentry-gtk2 opensc mozilla-opensc pcsc-tools
   Nota: recorda que facendo click coa roda do rato na consola de comandos pégase o texto previamente copiado no portapapeis.
2. Se nos apetece, na consola podemos executar o seguinte comando para comprobar que recoñece o noso lector despois de instalar os paquetes necesarios para que así sexa:
   pcsc_scan
   Se todo é correcto debería amosar algo parecido ao seguinte:
   PC/SC device scannerV 1.4.15 (c) 2001-2009, Ludovic Rousseau
   Compiled with PC/SC lite version: 1.4.102
   Scanning present readers...
   0: SCM SCR 3310 00 00

   Mon Nov 23 12:07:51 2009
Reader 0: SCM SCR 3310 00 00
Card state: Card removed,


3. O seguinte punto é descargar o software específico para que funcione o DNI electrónico. Descárgase desde a páxina dnielectronico.es na sección descargas: dnielectronico.es/descargas, máis concretamente desde a sección de descargas para Ubuntu. Alí daranos a opción de elexir 32 ou 64 bits segundo a arquitectura do noso equipo ou a versión da distribución que teñamos instalada. Se non sabes cal é a versión do teu sistema operativo executa o seguinte comando:
   uname -a
   Salirá algo parecido ao seguinte:
   Linux nome-equipo 2.6.31-14-generic #48-Ubuntu SMP Fri Oct 16 14:05:01 UTC 2009 x86_64 GNU/Linux
   Se ao final desta liña vemos x86_64 elexiremos a versión de 64 bits, se non a outra. Dentro de cada unha das versións haberá software para distintas distribucións, buscamos a nosa. Para Ubuntu karmic koala aínda non puxeron o software actualizado pero funciona perfectamente coa versión para Ubuntu Jaunty Jackalope polo que elexiremos esta e descargamos o arquivo que remata en tar, por exemplo:
   Ubuntu_Jaunty_opensc-dnie_1.4.6-2_amd64.deb.tar

4. O seguinte paso é descomprimir e instalar os ficheiros obtidos. Podemos descomprimilos simplemente con botón derito -> "Extraer aquí" ou por liña de comandos:
   tar xvf Ubuntu_Jaunty_opensc-dnie_1.4.6-2_amd64.deb.tar
   Despois procedemos a instalar cada un dos paquetes que se descomprimiron con un simple doble click, pero a min este punto deume erro porque nos repositorios hai paquetes máis actualizados que os que intentamos instalar, neste caso a solución máis sinxela é instalalos vía liña de comandos. Colocámonos no cartafol onde están os arquivos e executamos:
   sudo dpkg -i libopensc2_0.11.7-7_amd64.deb opensc_0.11.7-7_amd64.deb opensc-dnie_1.4.6-2_amd64.deb
5. Agora xa só queda instalar a librería e certificados precisos para Firefox. Imos a Aplicacións -> Ofimática -> Rexistrar módulo DNIe PKCS#11 e aceptamos a instalación dos tres certificados cando Firefox nos pregunte.
6. Para rematar, en Firefox, imos a Editar -> Preferencias -> Avanzado -> Dispositivos de
   seguranza e pulsamos en cargar. Abrirásenos unha nova xanela e onde pon nome poñemos "DNIe PKCS#11", despois pulsamos en "Explorar..." e dirixímonos a /usr/lib/opensc-pkcs11.so pulsamos aceptar e listo.
7. Por último, como instalamos uns paquetes obsoletos con respecto aos xa existentes nos repositorios, para evitar que se actualicen automáticamente no futuro, executamos na liña de comandos o seguinte:
   sudo echo -e "opensc hold\nlibopensc2 hold" | sudo dpkg --set-selections
   Esto último é preciso porque o DNI electrónico non é compatible coas versións máis actualizadas de opensc.
8. Finalmente, reiniciamos o Firefox e só temos que comprobar que o noso lector de DNI electrónico está ben instalado e configurado, esto pódese facer nesta páxina creada a tal efecto: verificar DNIe (enlace ao fondo da web). Pediranos o noso contrasinal para o DNI electrónico, introducímolo e aceptamos os certificados de seguridade que nos pide. Se todo foi ben deberiamos estar vendo algúns datos persoais que están gardados no chip do DNI.
9. E se queremos comprobar que o DNI funciona tamén noutras webs, na páxina oficial do DNI electrónico podemos encontrar un listado de sitios que xa teñen implementada esta tecnoloxía.