Acusan a Andalucía de "comunidade con máis piratería"

Lois enviou esta ligazón da que tes este extracto.

"Andalucía é a comunidade con máis piratería informática, co 60 por cento" é o título da nova orixinal.

Alarmante e falso título non fai máis que dar idea do contido da
noticia, referente a un "teórico" estudo da Business Software Alliance
(BSA). E por se existise algunha dúbida, remátao co seguinte subtitular:

"Andalucía, co 60%, é a comunidade española co índice máis alto de
piratería informática, 17 puntos por encima da media española e case o
dobre da europea (33%), segundo un estudo da empresa Business Software
Alliance (BSA)".

con datos erróneos e cargado de incultura, falacias e declaracións dun
analfabeto tecnolóxico, curiosamente cando este señor, Luis Froitos,
presidente da BSA fala de falta de cultura: "O problema é cultural"
demostra coas súas afirmacións un completo descoñecemento do sector da
innovación tecnolóxica e o software libre, das dúas comunidades que
máis apostaron polo software libre e chega ata a realizar afirmacións
bastante fortes como:

"O uso de programas informáticos gratuítos, como Linux, é unha vía de
entrada para a piratería, polo que pediu ás administracións que
aumenten os controis cando se use software gratuíto".

Atribuír a piratería ao uso de sistemas operativos libres e abertos,
que non gratuítos, que apostan pola cooperación, a creación de tecido
empresarial TIC, unha sociedade máis formada e democrática... é cando
menos unha barbarie, pero aínda é máis triste ver que esas desatinadas
declaracións veñen por parte do presidente da BSA, un dos lobbies que
representa ás empresas do sector do software privativo, e que non fai
máis que demostrar o que estas empresas apostan pola innovación en
España.

Paga a pena ler o resto do artigo arremetendo ao orixinal.