Skype de código aberto?

Skype para Linux será de código aberto nalgún momento no futuro próximo.

A nova de que Skype podería abrir o seu código chegou por primeira vez do blogger francés Olivier Faurax, e foi confirmado estes días pasados pola propria Skype.

Nun intercambio de correos-e entre Faurax e o departamento de atención ao cliente de Skype sobre a posibilidade dun apoio de Skype ao xestor de paquetes RPM para a distro Mandriva, Faurax recebeu como resposta: "Estamos contentos de poderlle informar que o Skype será, no futuro próximo, parte da comunidade de código aberto".

No entanto, non poideron dar unha definición máis específica de "futuro próximo", dicindo só: "Aínda que o noso obxectivo é facer que o Skype para Linux teña o código fonte dispoñible para a comunidade nun futuro próximo, non podemos aínda divulgar a data de lanzamento exacta ".

Varias dúbidas:

a) De código aberto non supón que vaia a ser libre.

b) Non se fala nada de liberar o protocolo de comunicación VoIP de Skype.

Veremos...

A fonte orixinal en The Register.